Myen hpe jinghku hku na i? Hpyen hku yu na i? De aq majaw mahtai gaw hpa baw rai na?

Myen hpe jinghku hku na i? Hpyen hku yu na i? HPyen hku yu let, jinghku mung hku, ngu ai aq lachyum gaw hpa baw? De aq hpang de byin taw ai, mabyin ni gaw gara hku? Results gaw Hpa baw byin wa ai? Kachin akyu ara hte, tinang uphpung the business akyu ara, kara hpe shawng kaw tawn na, kara hpe hpang kaw tawn ai? De aq result gaw hpa baw byin wa ai? anhte Kachin nang ngai yawng myit sawn dik lit yu ga.

Gen Aung San prat hta, jinghpaw ningbaw ningla ni, Myen the pawng na, mungdan gaw gap yang, mai kaja n’hten nga, jinghpaw ni myen the pawng sai. Raitim, Myen gaw myen sha re the maren, BIA Myen hpyen ningbaw makau mi kaw nan, Myen Amyu kaba policy lang ai, democratic federalism and power sharing among states hpe, n’ra ai, ni lawm sai. Karen mare masha ni hpe, BIA myen hpyen la ni grai law sat kau sai. U Nu a prat hta, jinghpaw mung masha ni hpe n’bawng ai, jinghpaw Buga 3 dang hpe, Miwa hpe, Myi man tam n’na, kum hpaw jaw kau sai. Myen mung ting hpe, race, culture, religion shabung, myen woi shatai kau na matu, galaw sai. Baw sang amyu sha ni mung, rawt malang hpang wa sai. Myen hpyen dap ni, baw sang amyu shagu aq buga shagu, du shang, n’na, zingri zingrat ai lam galaw sai. Lak nak lang ai ni hpe jahptai n’na, baw sang amyu sha yawng hpe mung, rum sat, zingri, sai. Yawng hkra gaw, Amyen n’re ai ni hpe, amyu kaji shatai kau na the, shamyit kau na masing, Myen sai rai nga ai.

Gen Nye Win prat, kawn, ya Than Shwe prat, Myen gaw myen sha re. Galoi ram ra ai tara hpe galaw na, mungdan ting na mungmasha ni ngwi pyaw simsa na hpe, baw tawn, galaw ai n’lawm ai. First priority gaw, ethnic politicians ni hpe shamyit na, masing rai nga ai. Kachin State Tai-Mu Gen Gam hpang hpe mung, dai policy kata kaw e, si hkam mat wa ra sai. Myen magma gun mi rai rai, KIA magam gun mi rai rai, Kachin re majaw gaw, Myen aq myi hta gaw, anhte yawng hkra gaw, Hpyen, hku na sha, yu nga ai re. Daini Jinghpaw LauBan ni, mungmasa ni the Shat saboi langai kaw sha, rau dung sha tim, Myen aq masin gaw, hpawt ni, gara hku, Da-mya mya na, gara hku, Rim rawng na, adup na, Myi the Yu nga ai re.

Democracy NLD ningbaw Suu Kyi the laga myen ningbaw ni hpe rim rawng ai mung dai sha re. Democracy, Federalism rai yang, myen the, baw sang maren mara, power sharing rai na, Jinghpaw mungdaw de jinghpaw ni up na hpe, n’kam yu ai majaw, Mungdan ting hpe Myen amyu ni madu lu na, policy aq majaw, myen ningbaw shada ningmu n’bung ai ni hpe rim rawng hkat ai, anhte baw sanga laga amyu ni hpe, shaning 50,60 ning, gap ai, Kachin State de, myen hpyen dap jat tik tik, myen amyu masha, gawt bang tik tik re, dai policy rai nga ai. Ya na myen jet ai mung masa la ni gaw, ndai zawn, ethnic armed groups ni n’gun kaya wa, myen mung hta, myen role grau kaba wa ai hpe, ya na myen ningbaw ni hpe chyeju dum nga ma ai. N’gup de she, ethnic problem hparan ra ai nga tim, myit kata de gaw, myen mung e, myen ni up sha ra ai, hku, myit ai ni hkrai re.

Mungkan the jinghpaw mung Map

World Map hpe yu yang, Kachin State map hta, htam manu mana, kaji ai, mungdan ni grai law ai re. Kachin State aq dingdung kaw e nga ai Bhutan country mung, kachin state hta, htam 6 in size kaji ai. Tinang amyu sha tinang up ai lak sak mungdan rai, grai pyaw, grai lu su ai mungdan re. Wunpawng mundan zawn, n'hprang sutrai n'nga ai, kaji ji sha law, mungdan ni, grai law, mungkan nga nga ai re.

Myeng the pawng ai jinghpaw mungmasa awng dang ai i? hkrat sum ai i? Hpyen hpe hpyen hku mu ai i? Jinghku shatai ai ni nga ga ai i?

Anhte Jiwoi Jiwa ni, myen hpe Kam n'na, alang lang, zingri hkrum, sat hkrum, hkam sharang na, na pawng lai wa ai. Dai ni mung, Myen gaw, Kachin politics hpe respect n'nga, mahtai tam ga ngu hpe, n'hkap la ai sha n'ga, kachin politics hpe shamat kau na, kachin amyu ni hpe, shamat na, she gyam nga ai re. Myen ningbaw ni aq myen Myu kaba, Sawa ladat lang ai hpe, anhte kachin ni, hpyem hpe, hpyen hku, chye mu nga ra sai law. Myen hpyen hpe jinghku shatai, hkrup ang ai rai yang mung, Myit malai saga law. Myi hte mu, na hte na na, Chye la, dum hprang saga law.

Lak nang Uhpung ni law ga ai rai tim, Sai ga shaga, Pu gang sin machyi rai ga law! Myen wa aq masing gaw, Daini KIA hpe gap yang, hpawt ni KDA hpe wan nat na. hpawt din ni, NDA-K hpe sat shamyit na re. Pangdung langai sha rai nga ga ai, anhte kachin ni, Sinat mahku, maga mi de, rau jawm shayawn ga. Kachin ni ram, Majan labau hta, reng ai, Kachin ni sha nga ai re. Jiwoi Jiwa prat kaw na, ya du hkra, gasat gala ai ni, majan mahkrum madup nga ai ni, Majan hta, reng ai ni rai ga ai re. Shara shagup de du nga ai Wunpawng sha ni mung, Pu gang si machyi, tinang dang di ai atsawm marai, tinang chye chyang ai hpaji hte, ndai amyu sha lit hpe, Rau sha, jawm Nau ga law. Shinggan de du nga ai wunpawng myu sha, ningbaw ningla, nuwa ni, dangdi shanglawm mai ai lam ni mung, nga na re. Ga shadawn, Media, Medical supply, Food supply, laga ja gumhpraw the garum shingtau ai, maigan myu experts, politicians ni the matut mahkai na, tatut shanglawm ai ni mai na re. Kachin rai saga ai re majaw, yawng kaw lit nga sai re. Yawng lama mi lama mi, hkrang shapraw galaw sa w a ai rai yang, mai kaja ai lam ni, grai law, pru wa na re. yawng rau sha yaw!