Mung Masa hta Mam Ting ai Ni

Ndai bat DKBA ningbaw 1 rai nga ai Col Chit Thu gaw Myawaddy kaw Singapore-Engineer she shap hkra rai, grai hkyik hkam ai n'ta langai mi, gap nna, n'shawn shang poi hpe March 24 kawn 26 ya du hkra galaw nga ai lam na chye lu ai. Rawt malan ningbaw ni, rawt malan galaw ai grai awng dang nga ma ai le i. Mung masa galai shai na (political change) matu, self-determination rights aq matu, nga na rawt malan woi galaw ai ni wa, Political situation gaw n'galai shai ai, ningbaw ni aq n'ta jawm gaw, grai shai wa nga ai.

Mung masha ni daini tam daini sha na lu sha pi yak nga ten, Laiwa sai shaning hta, Than Shwe aq shayi sha hpumdim Thandar Shwe aq Hkungran Poi hta, gumhpraw US$ Wan kaba ma n'na, galaw ai shiga mung na lu saga ai. Ndai zawn re myen hpyen ningbaw ni gaw, Mungkan aq n'hkru n'shawp dik ai ni ngu n'na, mungkan ting jahpoi ahpyak, mara shagun hkrum ai ni re.

Ya na shiga ni hku nga yang, Myenhpyen ningbaw hte bawsang amyu sha ningbaw ni mung, maren mara, Mungmasha ni shat hpa n'sha ai hpe mu nga ninglen, Mungdan hpe makawp maga na, myu tsaw myit amyu aq matu gasat na nga n'na, Wutdek n'ta rawng Ja gumhpraw mahkawng hpaga ga ai ni, nga nga ai hpe mu lu ai.

mungmasha hte amyu sha ningbaw ni, myit masin langai, hkum hkrang langai n're ai sha, mungmasa ningbaw ni gaw, Up hkang ai ni (ruling class), Jagumhpraw Lu su ai ni, mungmasa hpe mamting ai ni, lawm nga ga ai. Rawt malan n'awng dan ai reasons amyu myu nga ai kaw e, ndai baw myit jasat ni mung aq majaw mung rai nga ai. Kaja wa aq nawng shakut nga ai ni myu tsaw kaji kaba yawng aq matu mung, dingbai dingna lam ni rai nga ai.

Wunpawng myu sha ni hpe, myit masin hkum hkrang hte aq nawng daw jau nga ai ni hpe, hkungga jaw dat n'ngai.

Wunpawng myu sha ni kaw mung, hkungga gying ai ningbaw ni nga ai zawn, nhkungga gying ai ninbaw ni nga ga kun? Myit yu ga! Anhte Wunpawng myu sha ni kaw mung, Thandar Shwe, Chit Thu's shiga zawn re, shiga ni mawng lai wa sai. Ya Chit Thu zawn re ni mung lawm nga ga ai kun? Tinang hkum tinang myit yu ga!

Wunpawng myu sha ni hta, kachin mying gang n'na, mungmasa galaw ai nga mying gang n'na, mamting ai ni, n'nga u ga law. Nga yang, maroi n'ni, kaning gaw nchye di. Ndai hku ngu, shadum la hkat ai lam tsun yang, shatan ai, Ningbaw ni Lusu ai hpe manaw masham myit rawng ai nga na she, bai myit ma kun. ndai zawn myit ma ai rai yang gaw, Wunpawng myu sha ni rawt malan awng dan na, n'loi la nga ai.

Ndai laika ngau hte la kap ai Irrawaddy shiga Junta Ally Hosts Housewarming Party

Tang madun ai,
Dawng Hkawn Bum