Myanmar gems sale nets record $2.8 billion

Ndai bat Yangon kaw galaw ai lung seng dut poi da, Myen Asuya hte shan hte a rau lu rau sha hpaga la ni kawn, lungseng dut lu gumhpraw American US dollar 2,800,000,000 $ lu la ma ai lam, chye lu ai.

Ndai gaw myen gumhpraw hku n'na sawn dat yang, 2,800,000,000,000 Kyat (Jing hpaw hku, "Wan Wan Lahkawng Sen Matsat") lu la ma ai lam chye lu ai. Ndai gaw laning mi hta 3/4 lang galaw ai Lungseng dut poi hta na, ndai bat galaw ai alang kaw na sha rai nga ai.

Daini Wunpawng buga na, manu dan ai lung seng gaw, Dagam dala tai nga sai. Lamu ga madu Wunpawng Amyu ni gaw Jalungseng kawn lu ai Akyu ara hpe tsep kawp nlu hkap sha nga ai. Grau n'na, ndai Lungseng dut la lu ai Gumhpraw hte lu su ai Myen Asuya gaw, dai gumhpraw ni hte sinat lak nak hpyen la bau n'na, Wunpawng Amyu sha ni hpe zingri nga ma ai.

Myen gaw wunpawng Amyu ni a hpyen jet dik nga sai. Anhte Wunpawng Amyu ni tinang mungdaw tinang up hkang ai ni tai n'na, tinang lamu ga kaw nga ai n'hprang rai ni hpe, tinang Amyu sha ni hpe, garan jaw ya ai Asuya ra nga saga ai.

Ndai ten hta Myen Asuya hte jinghku hku n'na, tinang Amyu masha ni a shingma n'tsa, mangting Amyet tam lawm ai ni, kaw, anhte Wunpawng Amyu sha ni n'lawm na, ahkyek nga ai. Wunpawng mungdan Self-autonomy lu na rawt malan hkrun lam hta, pat dut dang ai ni, n'tai na, anhte ahkyek nga ai.

Hpyen a akyu ara hte tinang Amyu sha akyu ra hpe gin hka n'na, Wunpawng Amyu sha ni a rawt malang hkrun lam hta, pan dung langai, myit hkrum myit ra, lata gindun sa wa nga nga ai.

http://www.burmanet.org/news/2011/03/25/reuters-myanmar-gems-sale-nets-record-2-8-billion-%E2%80%93-official-aung-hla-tun/